Le testimonianze di VirusilGiornaleonline

Carteggi: Un giretto per il Veneto Nordest e la sua lingua

Ciao Albert, 
no serve creare altre mailing list, ghe ne gavevo xa masa. E ne la  mailing list xe iscriti esatamente quei che te pensi ti: i militanti dea  "Causa Veneta". No vien fora gnente, nesuna discuthion seria, nemeno dai novi iscriti (na otantina) tra i quai esponenti de primo piano dea  poitica Veneta. Te gheto mai domanda' el parche ? Go senpre considera' sta mailing list el specio de come che gira realmente ea Causa Veneta: no se ne cava un ragno dal buso !! Personaismi, barufe, inconpetensa e
superficiaita' ! Ea vedo tanto dura. Specialmente quando kalkeduni voe 'ndare in casa de Haider a protestare pa Segato. boh ! Tanti auguri de Bon Ano Novo, Luca Vanuzzo
Caro Luca,
magari el problema fosse quelo che ti dixi ti: PERSONAISMI, BARUFE, INCONPETENSA E SUPERFICIAITÀ. No, qua ghe xe sora de tuto: incompetenza, imobilismo, menefreghismo, corajo da coneio, etc. Magari ghe fosse scontri so linee politiche diverse, so proposte diverse. sarissimo davanti a de le proposte politiche che, invece, manca completamente. Ma la situazion per fortuna no la xe cussì nera. Vardemo Ciampi; el xe costreto a ricordarghe sempre a i italiani che i xe na nazion unica, che
l'Italia xe la nostra patria, e che l'hino de Mameli xe tanto belo. Se i italiani i lo credesse anca lori no servaria ricoraghelo sempre, invece. Da quando che 8 mati ga ocupà el camanil de San Marco e robe ga cambià e Roma no xe pì sicura de i Veneti.
Segato xe dentro perché i magistrati no riesse a perdonarghe a i Serenissimi l'ardimento de aver confermà la fedeltà veneta a el Stato Veneto, a la Serenissima. Segato xe dentro per questo perché certi statalisti italiani no dorme pì de note.  A dispeto donca de la nostra povertà organizativa e politica, un vento favorebole supia so le nostre bandiere e ne rende pì forti de quelo che meritemo e che credemo. El 27 zenaro ndaremo a Klagenfurt per denunziar a l'Europa intiera (anca
quela no UE) la repression italiana contro i veneti, l'etnosidio compio da el Stato italian in Veneto, la detenzion de Segato.
Caro Luca, ti xe perplesso per sta scelta? Le risposte xe cussì semplici e elementari che lasso che ti rivi da solo a la spiegazion politica. Però voria che anca ti ti vegnissi co nu a Klagenfurt. Se partirà co el treno de 1 boto de note da Mestre per rivar a le 4 e
meza a Klagenfurt. Per tornar indrio se partirà la sera stessa co un treno de le 11 e 39 minuti da Klagenfurt per esser a Mestre a le 3 e 48 de la matina. A Klagenfurt incontraremo anca i rapresentanti de altri movimenti indipendentisti europei per decidere una manifestazion europea per Segato da farse a Padova. El programa de la zornada a Klagenfurt resterà segreto e se podarà
conosserlo solo là. La polizia italiana me gà za contatà ancuo per saver de i particolari de sto apuntamento in Carinzia.
Prova che el fato interessa anca i uffizi italiani e xe un ben che sia cussì ma xe mejo Giuseppe Segato xe sempre de buon umor e spera che la so detenzion serva a qualcosa. Diversi deputati xe ndà a trovarlo. In sti zorni el Congresso mandarà a tuti i grupi parlamentari europei un invito de inviare una loro delegazion per incontar Segato. Ieri go scrito una letera a Maurizio Marchiori metendo in discussion la so presa de posizion contro i auguri de Ciampi. Vogio ribadir che la me presa de posizion tocava solo so el metodo, so el stil ma no so i contenuti. Quando che go scrito la letera no conossevo tuto el discorso de Ciampi ma solo la parte final che no me pareva contraria a i Veneti. Ma quando che go bu modo de sentir anca la prima parte, dedicà a l'Unità Italiana, me xe vegnuo da pensar che Marchiori gaveva fiuta ben la situazion e che el ga volesto metere le robe in chiaro prima che Ciampi pretendesse de farne la solita lezion de italianità. 
Caro Ciampi, i Veneti no i pol essere fieri de esser italiani perché no i xe mati del tuto.
Albert Gardin Venezia zenaro 2001 gardin@tin.it
Tullio Beretta variso@tin.it
A digo anca mi che nantra £ista no serve a gninte. Cari tuxi no xe £omè coesto che distingue i nostri po£edeghi ghe xe anca £a pì latente viliacarìa ( el corajo de el conejo xe senpre corajo ) in nome del'intarese persona£e. No desmenteghemo che, a parte calchedun, i xe omani che ga fato un investimento conomico su£a po£edega e fora da£a po£edega no i xe in grado de far gnente, cofà vive£i? Eco che a£ora i se taca nonde che ghe xe £a posibi£ità de poder sbarcare el lunario e cofà tuti i viliachi i xe pronti a tradire tuti i prinsipi anca mora£i prasiò figuremose cosa che ghe intaresa £a nostra patria vèneta: gninte.
Mi da stà £ista go mandà un fraco de £etare anca a pì se provocatorie propio aposta par vedàre se se mòve calcosa: gninte, i ga £a facia cofà el c.........Se ghe xe de stì omani che ne £exe in £ista de fronte a£e me mail e de coalche altro, se i fuse ga£antomani cofà i dixe de esare, i me gavarìa ribatùo paro£a par paro£a e i me gavarìa dimandà conto de£e me afermasion, ghio visto calcosa? ancora gninte. No i ga tenpo da pardare preocupà cofà i xe a catare aleanse co el nemigo che ghe permeta de vere el postexin. Sani,Tullio VIVA S. MARCO!! SENPRE S. MARCO!!